හිරු දැවී කටු පිපුණු නිම්නේ
සිහිල් දිය උගුරක්‌ සොයා
පා ගැටෙන බිම දූලි සිඹිමින්
ඇවිද යන කෙසරුන් සලා
ටැන්ටෝර් ගේ හඬින් බිය වැද
උර තලේ උණුහුමට ගුලි වෙන
පුංචි උන් ටික පිරිවරා
නුමා සැතපෙන ගුහා කෙළවර
හිඳින්නී සඳ දෙස බලා
වලා කොනකින් මිදෙන ගෝරෝ
පලා යන විට එළිය සඟවා
පවුල පිරිවර සනසවා
උඩඟු ශීටා හා කරට කර
ඇදෙන්නී අහරක් සොයා
කුස දැවී සිව් පාද පැකිලෙන
විටෙක සරදම් කරන ස්කා
දෙස බලා රුදු නෙත් යොමා
හැරෙන්නී දුර දිලෙන මිරිඟුව
හඹා යන බාරා සොයා
ගුහාවට දුර ඇදෙන විට කුඩු
ගුහා දොරකඩ සොයා සපැමිණ
කවා දරුවන් සතපවා
සක්මනට ගිය නුමා එන තුරු
මග බලන්නී ඈ...
සබෝර්
~~~~~~~~~~~~~~~~~~~~
ප. ලි. ටාසන් බලලා නැති අයට මේක පොඩ්ඩක් මන්ඥන් වගේ පෙනේවි :)
ප. ප. ලි. ටාසන් බලපු කට්ටියටත් වචන මතක නෑ කිව්ව හින්දා ඔන්න වචන ටිකේ තේරුම දානවා. මේ තමයි ආදී කල්පික මානවයාගේ / වානරයින්ගේ භාෂාව.
ටැන්ටෝර් - ඇතා
නුමා - සිංහයා
ගෝරෝ - හඳ
ශීටා - දිවියා
ස්කා - ගිජු ලිහිණියා
බාරා - මුවා
කුඩු - හිරු
සබෝර් - සිංහ ධේනුව (කේ ජී කරුණාතිලක කියන විදියටනම් "සිංහිය")
කුඩු ගුහාවට යනවා කියන්නේ ඉර බහිනවට.
"දවස්" දෙකක් කියන එක දක්වන්නේ "කුඩු ගුහාවෙන් දෙපාරක් එලියට එනවා" කියලා.
හුරේ අද නම් මම එක...
ReplyDeleteඅක්කි මම අසනීපෙන්..ඒකට හරියන්න තෑග්ගක් ඕනේ
මේ කවි කියෝලා
Deleteමම වෙලා මන්ඥන්
ඔළුවෙ කැක්කුමත්
වැඩි වුනා වගේ සිතේ
මම සිංහයාට
බයයි අක්කියෝ.........:D:D:D
ඉක්මනට සනීප වෙන්න
Deleteඅක්කි ගෙන්නේ
ඔළුව රදේට හොද නැති කෑම ජාතියක්ලු
තෑග්ගට
එහෙනම් තෑග්ග ගන්ඩ මාත් එනවා.
Deleteසයුරි අක්කේ හිසේ රදේ වැඩිවෙන තෑග්ගක් දෙන්ඩ !!
අනේ පව් බට්ටි. ඔන්න සුප් එකක් තියනවා හොඳේ. බීලා සනීප වෙන්න.
Delete[im]https://dl.dropbox.com/u/16187387/Caribbean%20Chicken%20Soup.jpg[/im]
මේ..සිංහයෙක්
නෙමෙයි නංගියේ
ඒ..සිංහියක්
තමයි බට්ටියේ... :)
සිහිනයි මධුයි සුප් හැන්දක් ඉල්ලා ගන්ටෝ
ටාසන් බලලත් මට මඤ්ඤං බලපු නැති අයට කොහොමට ඇද්ද. හැබැයි කවිපදවැල් ගොතල තියෙන අපුරුව නම් නියමායි.
ReplyDeleteලස්සන නිර්මාණයක්
මම දෙකද එතකොට.
ඔව් ඔව් ඔයා දෙක :) බොහොම ස්තුතියි අගය කිරීමට. හනේ ඔයාටත් තේරුනේ නැද්ද? මේකට අටුවා ලිව්වේ නෑ ඕන නෑ කියලා හිතලා
Deleteආ ටාසන්... මොන තරම් ලස්සන පොතක්ද "වානරයන්ගේ ටාසන්" පළවෙනි පාර කියවද්දි හිතේ ඇඳුන ඒ සුන්දර මතක සටහන් තාමත් එහෙමම තියනවා.. අදටත් ඒ පොත බොහොම ආසාවෙන් කියෙව්වෑකි..
ReplyDeleteටැන්ටෝර්, සාබෝර්, නූමා, කාලා, කර්චැක්.. තුබ්ලාත්.... අවුරුදු ගානකට කලින් කියෙව්වත් උඹලව තාමත් මතකයි මට..
තුබ්ලාත් කියන්නේ ටාසන්ගේ තරඟ කාරයා නේද? හිස්ටා, ස්කා, මනු, හෝර්තා...මටත් අද වගේ මතකයි. මගේ ප්‍රියතම පොතක් මේක (මම කියන්නේ කේ ජි කරුණාතිලක ගේ පරිවර්තන ගැන). ඔය වචන කොච්චර හිතට වැදුනද කියනවනම් දවසක් මම සිංහල රචනාවක් ලියද්දි වඳුරු රංචුව කියන එකට "මනු කැල" කියලා ලියලා මිස් අහනකන්ම මීටර් උනේ නෑ.
Deleteසෙන්නා සෑහෙන්න පොත් කියවලා තියෙනවා නේද?
Deleteසෙන්නාස් කාලයක් දඬුගම පුස්තකාලය බදු අරන් හිටියා..
Deleteකරුමෙ කියන්නෙ මට කියෙව්වට එච්චර මතක හිටින්නෑ.. මේ වගේ දෙක තුනක් තමා විශේෂයෙන් මතක..
මමත් පස් හය පාරකට වඩා දඬුගම පුස්තකාලෙන් ෆෝම් අරන් ඇති ඒත් වරිපනම් ගෙවන මනුස්සයෙක් හොයාගන්න බැරිවුනානෙ.. ඔන්න කෙනෙක්ව ඇපයට අත්සන් කරන් යද්දි මිනිහගෙ නම නෙමෙයි තියෙන්නෙ 'අයිතිකරු' කියලා.. ඔන්න තව කෙනෙක්ව ගනිද්දි මිනිහා වරිපනම් ගෙවලා නෑ.. තව එකෙක් තාම ගෙවන්නෙ මැරිච්ච තාත්තගෙ නමට.. ඉතින් ෆෝම් විසිකරා නිකන් හිටියා..
Deleteඇටමැස්සා තුන් හතරපාරක් කියවලත් මතක නෑ වගේ කතාවක් කිව්වෙ සෙන්නද?
ඔව් ඔව් මම තමා :-) බූරයි, රූයි මාව එල්ලලා හම ගහන්ඩ හැදුවා ඒ භායානක වරදට '' හෙක් හෙක්
Deleteහි හි ටාසන් පොතේ කස්ටියව නම් මතකයි හැබැයි ටාසන් ෆිල්ම් එක නම් බලන්න බැරිවුනා.... මරු ඈ අන්තිම වෙනකන්ම මම කල්පනා කලේ මේ නම් අහලා පුරුදු නිසා මොකක් ගැනද මේ කියන්න යන්නේ කියලා... අන්තිම පේලිය නොදැම්මනම් චුට්ටක් විතර හොල්මං වෙනවා ෂුවර්...
ReplyDeleteමම ආසාවෙන් කියවපු කතා මාලාවක් තමා මේ.මේ පොත් සේරම එකතු කරගන්න හෙනම පිස්සුවක් තිබ්බා ඒ දවස්වල හැබැයි දැන් ඒ එක පොතක්වත් නෑ සේරම යාළුවෝ ගාව ගත්ත එවුන්ව මතකත් නෑ...
කාලයක් අමතක වෙලා තිබ්බ චරිතයක් මතක් කලාට ස්තූතියි අක්කේ...
ගැමියා අහලා තියනවද දන්නෑ පොතුයි, ගැහැණුයි අන්සතු කරන්ඩ හොඳ නෑ කියලා. දුන්නොත් දුන්නා.. ලස්සන කතාවක් කියනව ඕකට සහන් රංවල මොකක්ද නාට්‍යකදී.. "පුස්තක රත්නං, ස්ත්‍රී රත්නං ....................... ගතං ගතං" කියලා මට ඒක හාරියට මතක නෑ..
Deleteමම කිව්වෙත් පොත ගැන තමයි ගැමියෝ...පොතේ තියන හැබෑ ලස්සන කවදාවත් රූපයට නගන්න බෑ කියලයි මට හිතෙන්නේ. ටාසන් ගර්ජනා කරන හැටි පොතේ කොච්චර ලස්සනට විස්තර කරලා තියනවද? ඒක ඇඟේ මයිල් කෙලින් වෙන්න ලියල තියනවා. අර කාටුන් එකේ / ෆිල්ම් එකේ ඉන්න එකා හූ කියන හැටි ඇහුණම සසර කලකිරෙනවා නේ.. :)
Deleteමගේ ළඟ අඩු "ටාසන් සහ ඔපාරයේ මැණික්" පොත විතරයි
//"පුස්තක රත්නං, ස්ත්‍රී රත්නං ....................... ගතං ගතං" //
හික්
//අර කාටුන් එකේ / ෆිල්ම් එකේ ඉන්න එකා හූ කියන හැටි ඇහුණම සසර කලකිරෙනවා නේ.. :)//
Delete100%ක් එකඟයි..අපේ චිත්ත රූප ටික ඔක්කොම කාබාසිනියා කරලා දානාව.
ඒ වුනාට ටීවි සීරිස් එකේ පොඩි ගතියක් තිබුනා..ඒ දවස්වල සිරස එකේ යනකොට මම හැමදාම බැලුවා..
ආ මම සීරිස් එකනම් බලලා නෑ. බලන්න ඕනේ. පොත් වලින් චිත්‍රපටි හදනවට මම වැඩිය කැමති නැත්තේ මේ හේතුව නිසා තමයි
Deleteසහතික ඇත්ත සයුරි..
Deleteවිඳලා තියනවද, මොන්තක්‍රිස්තෝ පොතෙයි, චිත්‍රපටියෙයි වෙනස.. චිත්‍රපටිය විහිළුවක්..
අන්න තවත් නියම උදාහරණයක්. මොන්තක්‍රිස්තෝ ෆිල්ම් එක බැලුවට පස්සේ පුදුම කලකිරීමක් තමයි දැනුනේ...
Deleteඒ පොත් ටිකටත් මම ටාර්සන්ට වගේම කැමතියි.
ඇත්තම තමයි සෙන්නා අයියේ... මොන්ත ක්‍රිස්තෝ සිටුවරයා තමයි හොඳම උදාහරණය.සිරසෙ ගියපු ටාසන් කතාව මම දවසක් දෙකක් බලන්න ඇති ඒත් මට ඒක ඒ තරම් ඇල්ලුවේ නෑ.ඕනේ නැති කෑලි වැඩියි.අනික ඒ දවස්වල මම හෙන පොඩි එකා....
Deleteසිරාවටම මම කලින් අහලා තිබ්බෙ නෑ ඕං අද ඉගෙන ගත්තා සෙන්නා අයියේ හිහි මරු උදාහරණ ඈ..
හැබැයි සයුරි අක්කේ ජුරාසික් පාක් පොතෙයි ෆිල්ම් එකෙයි කිසිම වෙනසක් නෑ... මම පරිවර්තනේ කියෙව්වෙ ෆිල්ම් එක බලද්දි දැනෙන හැඟීම එහෙම්ම දැනෙනවා පොතෙනුත්.. ඒක සුපිරියි.මම තාමත් ආසා ෆිල්ම් එකක් ඒක
@ ගැමි මල්ලි - ජුරාසික්පාක් පොත මම කියෙව්වේ පස්සේ කාලෙක. මුලින්ම බැලුවේ ෆිල්ම් එක. අපි ඒ කාලේ පොඩි අය නේ. ඒ ෆිල්ම් එකටනං මමත් තාම කැමතියි. මුලින් පොත කියවලා පස්සේ ෆිල්ම් එක බැලුවනම් වෙනසක් දනෙයිද දන්නේ නෑ. හැබැයි මම එකඟයි ඒ කතාවට. ඒක සුපිරි ෆිල්ම් එකක්.
Deleteඅය්යෝ දන ඉතින් ටව පොතක් කියවන්න එපයි
ReplyDeleteඒ උනාට කවියට පට්ට ලයික්....
එකක් නෙමේ කොල්ලෝ. පොත් මහා ගොඩක් තියෙනවා.
Deleteබරසාර පොත් කියොලා හෙම්බත්වෙලා එපා වෙලා ඉන්නකෝට කියවන්න නියමයි. එක හුස්මට කියවන්න පුළුවන් පොත් ටිකක්
ඔව් මී ගොඩයෝ පොත් සීරිස් එකක් මේක. වචනයේ පරිසමාප්ත අර්ථයෙන්ම "පට්ටම සිරා" පොත් සෙට් එකක්.
Deleteලයික් එකට තැන්කු හොඳේ
කවිටික නම් පට්ටයි.. ඒත් අර ඉස්සර ලියන කවි වගේ නෑ නෙව. අර නොතේරෙන කවි. අන්න ඒ ටයිප් එකෙන් තිබ්බා නම් මරු..
ReplyDeleteමේකත් අවුලක් නෑ.
ඒ කවිත් ලස්සනයි.. මේ කවිත් ලස්සනයි.. අක්කා ලියන කෝකත් ලස්සනයි :)
එතකොට අක්කා ??
Deleteබලාපල්ලකෝ ඉතින්...කවියක් ලිව්වම ඒ පාර නොතේරන කවි ඕනලු. :)
Deleteඉතින් බලන්නකෝ මේකත් තේරිලා නෑ නේ කට්ටියට. එහෙම බලනකොට මේකත් නොතේරන කවියක් තමා. මධු ට ඉතින් නොතේරෙන ඒවත් තේරෙනවනේ.
ආන්න බලන්න සෙන්නයියට සාධාරණ ප්‍රශ්නයක් ඇවිල්ලා :ඩි
මේ මටත්..හි..හි..!
Deleteසෙන්නාගේ ප්‍රශ්නේට මටත් උත්තර ඕනා. ???
Deleteඈ බොලේ...තමන් ලස්සනද කියලා තමන්ම කියා ගන්න සිරිතක් තියනවද ඇත්තට :ඩි
Deleteඔන්න ඉතිං ආඩම්බර වෙන්න හදනවා............!
Deleteහික්ස්
Deleteඇහ්හ් !!! කවි ලියන්නත් පුළුවන් නෙව.
ReplyDeleteඔය සාටන් පොත් මාත් හරි ආසාවෙන් කියෙව්වා. එකක් දෙකක් ඇරෙන්න හැම පොතක්ම වගේ කියොලා තියෙනවා මයේ හිතේ
මට නම් පළවෙනි එක විතරමයි ලස්සන.. අනිත් ඔක්කොම, සල්ලි රහ වැටිලා, සල්ලි වලටම ලියපු විකාර..
Deleteමම කියවලා නැත්තේ එකයි. අනිත් ඔක්කොම කියෙව්වා. මටනම් අනිත් පොතුත් හොඳයි. වැඩිපුරම කැමති ඒ පොත් වල තියන අවස්ථා සම්බන්ධයට. පොතේ මුල හරියේදී පුංචියට ඇති වෙන සිද්ධියක් අග හරිය වෙනකොට අපි නොහිතන පුදුමාකාර ලස්සන විදියට කතාවට සම්බන්ධ වෙනවා. හැම පොතක්ම උපරිමයි මටනම්.
Deleteටාසන් බැළුවට මොකො කවිය කියවලා මට නිකන් මොකක්ද වගේ.. සමහර වචන දන්නේ නෑ දන්නේ නෑ වගේ..
ReplyDeleteඔන්න මම වචන ටික දාන්නම්කො ප.ලි එකට :)
Deleteකවි ටික ලස්සනයි. ලස්සන අදහසක්.:)
ReplyDeleteසිංහයික් උනත් ලමයින් පිරිවරාගෙන, සෙනෙහසින් බලා ඉන්න හැටි අපූරුවට ගොතලා තියනවා.
ස්තුතියි පොඩ්ඩි...මිනිස්සුන්ටත් වඩා සින්හයින්ගේ ලෝකේ ගැහැණිය දුක් විඳිනවා කියලා මට හිතුනා.
Deleteපැටව් හදලා උන්ව ආරක්ෂා කරගෙන, කවලා පොවලා, සැමියාටත් කන්න ගෙනත් දෙන්නේ සිංහ ධේනුව නේ.
හරම ලස්සන කවි පන්තිය
ReplyDeleteඕක බූන්දියට දාන්නකො සිරා ඩයල්වල ඇහැ ගැහෙන්න.......
බොහොම ස්තුතියි ඔබට...ඔන්න බූන්දිය පැත්තේ රවුමක් ගහලා ආව. ඒත් ඒ ක්‍රියාපටිපාටිය ගැන වැඩිය තේරුනේ නම් නෑ :)
Deleteමට නං ග්‍රීක් වගේ..? පොටෝ එක තිබ්බ නිසා හොඳා..!
ReplyDeleteෆොටෝ එක බැලුවම තේරුනා නේද :)
Deleteමට නම් ටික දවසකින් එන්න බැරි වුනා අපු ගමන්ම ලියල තියන කවීන් නිකන් මාව හොල්මන් වුනා ගොඩක් ලස්සනයි නිර්මනත්මකයි ජය
ReplyDeleteබොහොම ස්තුතියි සචිත්...කාලෙකින් දැක්කේ නෑ තමයි. ඔයා ලඟදි පොස්ට් දැම්මෙත් නැද්ද? ඇවිත් බලන්නම් ඒ පැත්තේ.
Deleteටාසන් පොත් කියන්නේ මගේ ජීවිතයේ ඇබ්බැහි වීමක් ....
ReplyDeleteමමත් ඒකට හොඳටම ඇබ්බැහි වෙලා අප්පා.
Deleteලස්සනයි
ReplyDeleteස්තුතියි වකා. සාදරයෙන් පිලිගන්නවා මේ පැත්තට...
Deleteඅද අමුතුම විදියේ පෝස්ට් එකක්නෙ...! ලස්සනට නිර්මාණය කරලා තියෙනව.. ටාසන් කිව්වම මතක් වෙන්නේ පොඩි කාලේ. ඉස්සර කට්ටිය ඉස්කෝලෙ තියෙන ලොකු වැල් වල එල්ලිලා ඉනටර්වල් එකට ටාසන් වගේ පදිනවා... "වෝ ඔඔ ඕ ඔඔ ඕ..."
ReplyDeleteහික් හික්. ඔය වැල් වල එල්ලිලා යන වැඩේ ගොඩක් පොඩි අය කරනවනේ. සමහරු කොඳු එහෙමත් කඩා ගන්නවා.
Delete//"වෝ ඔඔ ඕ ඔඔ ඕ..."//
මේක තමයි නියම. :) ඕක පොතේ විස්තර කරලා තියන විදිය හරිම ලස්සනයි. ඉතින් ටි වී එකේ ඕක ඇහුණම හිනා යනවා...ස්තුතියි තොටියා අයියේ
ඒ වචන විතරක් නෙමේ කවියම ඒ භාසාවෙන් ලිව්වානම් තමා මරු..
ReplyDeleteමුලින්ම මම බැලුවා මොනාද අප්පේ මේ මම දන්නෙ නැති සිංහල වචන කියලා...
//කවියම ඒ භාසාවෙන් ලිව්වානම් තමා මරු..//
Deleteඅප්පේ...ඇස් දෙකත් උඩ ගියා මේක දැකලා. මම වානරියක් නොවෙමි :)
ටාසන් නං ඔක්කෝම කියෙව්ව. මේ විදියෙ කවි රචනාවක් දැක්කමයි. හොඳයි. අවුරුදු 10කට වැඩි උනත් නම්-තේරුම් තාම මතකයි.
ReplyDeleteටාසන්ට කැමති අයට ඉබේම ඔය වචන ටික පාඩම් හිටිනවා නේද
Deleteඉස්සෙල්ලම මමත් බැලුවා මේ මොකක්ද කියල... පහල වචන වල තේරුමත් වරින් වර ගලපලා තමයි තේරුම් ගත්තේ
ReplyDeleteඑහෙනම් හොඳ වෙලාවට මම වචන ටිකත් දැම්මේ. නැත්නම් මට පිස්සු කියලා හිතයි කට්ටිය
Deleteහම්මේ..... ශෝයි!!! වචන වල තේරුම් දැම්ම එක හොදයි!! නැත්තම් මටත් ඕක තේරෙන්නෙ නෑනෙ..:(
ReplyDeleteහිහි ඔයත් ටාසන් බලලා නැද්ද හිතු
Deleteහික්ස්.. ඉස්සර කටේම තිබිලා අමතකවෙලා ගිහින් තිබ්බ වචන ටිකක් සයුරි ඔන්න මතක කරලා දුන්න එහෙනම් .
ReplyDeleteශා ලිහිණිත් ටාසන් රසිකාවියක් වගේ...:)
Deleteමෙන්න නියම කවි පන්තියක්. මේක කවිපන්තියක් කිව්වට මොකද සුගායනීය ලක්ෂණවලින් පිරිපුන්.
ReplyDeleteඇයි මම එහෙම කිව්වේ. මෙන්න මේකයි මට නම් මේක කියවන විට හිතුනේ සරච්චන්ද්‍රයන්ගේ සිංහබාහු නාට්‍යයේ ගායන සම්ප්‍රදාය ඉබේම සිහියට නැගෙනවා.ඒ භාෂාත්මක ලක්ෂණ සහ භාවිතය තියෙනවා. සිංහබාහු නාට්‍යයේ විශේෂයෙන්ම පොතේගුරාගේ කොටස්.
"ඉල්පෙමින් සර සරය ගෙන එන
හිරු දැවී කටු පිපුණු නිම්නේ
සිහිල් දිය උගුරක්‌ සොයා
පා ගැටෙන බිම දූලි සිඹිමින්
ඇවිද යන කෙසරුන් සලා "
මේ ආරම්භයේ යෙදෙන කාව්‍ය භාෂාත්මක උපක්‍රම සහ ව්‍යංගාර්ථය විශිෂ්ඨතම කාව්‍යකරණයේ තියෙන හැකියාවක්. ආදි මානවයාගේ වචන නොතේරුනත් සමස්ත අර්ථයෙන් තේරුම හදාගන්න පුළුවන්.
ටාසන් කතා පළට වඩා "ලයන් කිං" කාටූන් එකට වඩා වැඩියෙන් දැනෙනවා. සමහර වචන අහෙන ගතියක් තියෙවා.
මටත් කවි පෙල කියවද්දි ලයන් කිං එකේ රූප මැවිලා පේනන පටන් ගත්තා..
Deleteහප්පේ මෙහෙම ඇගයීමක් ලබන්න කොයි තරම් වාසනාවන්තද මම. බොහොම ස්තුතියි.
Delete//ආදි මානවයාගේ වචන නොතේරුනත් සමස්ත අර්ථයෙන් තේරුම හදාගන්න පුළුවන්.//
එහෙම දැනුනා නම් ලොකු දෙයක්. මමත් මේක ලියද්දි එහෙම හිතාගෙන ලිව්වේ. මුලින් වචනවල තේරුම් නොදම්මේත් ඒ නිසා.
ඇත්ත තමයි, ලයන් කිං රූප රාමු මේකට හොඳට ගැලපෙනවා නේ :)
මෙලෝ දෙයක් තේරුන්නෑ.. ඒ වුණාට කවිය නම් ලස්සනයි!
ReplyDeleteලස්සනයි කිව්වට තැන්කූ.
Deleteනූමා ගැන කියද්දි මගේ ටියුබ් ලයිට් එක පත්තු වුනා..
ReplyDeleteටාසන් පොත ගැන නම් කියලා වැඩක් නෑ..හරිම ලස්සන පොත් සෙට් එකක්..ඉස්කෝලෙ යන කාලෙ පන්තිය වෙලාවෙ ඔය පොත් සෙට් එක කියවන්න ගිහින් මමයි මගේ යාළුවො සෙට් එකයි එළියේ හිටවලා හිටියා මතකයි...
ඒත් අපි සැලෙයි ඕවට..ඒ පොත් සීරිස් එකම කියෙව්වට පස්සෙ තමයි අපේ උණ හොඳ වුනේ..
ලස්සනට ලියලා තියනවා සයු..
//වලා කොනකින් මිදෙන ගෝරෝ
පලා යන විට එළිය සඟවා
පවුල පිරිවර සනසවා
උඩඟු ශීටා හා කරට කර
ඇදෙන්නී අහරක් සොයා//
මේ මම කැමතිම කෑල්ල..අම්මා කෙනෙක්ගේ ගතිගුණ ලස්සනට මැවෙනවා..
හිහි රූ ත් තදබල ටාසන් රසිකාවියක් වගේ. එළියේ හිටගෙන හිටියත් මොකද ටාසන් කියවන්න තියනම් :)
Deleteඇත්තටම ඔව් රූ..මට කවි ටිකෙන් කියන්න ඕන උනේ මවක්, බිරිඳක් විදිහට සිංහ ධෙනුවකගේ දිවියේ කටුක බව ගැන. සැමියාටත් කන්න හොයල ගෙනත් දෙන්නේ ඇය නේ.
ඇත්තමයි පලවෙනි පාර තේරුනේ නැහැ..වචන වල තේරුම දාල තිබුනට ස්තූතියි..ලස්සනයි යාළු හ්ම්ම් :)
ReplyDeleteස්තුතියි හිරුහිමාවී :)
Deleteඅනේ මං වගේ එකෙක්.. තාම ටාසන් එක පොතයි නේ කියවලා තියෙන්නේ.. ඒකෙ මේ වචන ඔක්කොම නෑ නේ!!!
ReplyDeleteකවිය නම් එල ඈ..
ජය වේවා..
අවුලක් ගන්න එපා බන්.. මන් එකක්වත් කියවලා නැතුව මේ අපූරුවට ඉන්නෙ..
Deleteඒකනේ අනේ. අවුලක් ගන්න එපා. පස්සේ වෙලාවක කියවන්නකෝ. හැබැයි එක පොතක් කියවලා අනිත් එව්වා නොකියවා ඉන්න හරිම අමාරුයි නේ...
Deleteමාත් ටාසන් පොත් නම් කියවා නැහැ . බැලුවේ ඩිස්නි කාටුන් එක විතරමයි . පුස්තකාලේ ඔය පොත් දැක්කත් කියවන්න ලැබී නැහැ . ලස්සන නිර්මාණයක් සයුරි .
ReplyDeleteස්තුතියි බින්දි අක්කා. කාටුන් එකත් මම බලලා තියනවා. ඒත් පොත වගේ නම් නෑ.
Deleteකෝ හිස්ටා...? කේ. ජී කරුණාතිලක සූරින් ගේ අපූරු පරිවර්තන නේද අක්කෙ!!
ReplyDeleteහිස්ටව මේකට රින්ගවන්න හතර අතේ කල්පනා කරා. හරි ගියේ නෑ නේ. ඔව් මල්ලි, කේ.ජී. කරුණාතිලක කියන්නේ අපේ ලෝකේ වීරයෙක්.
Deleteටාසන්....මාත් ආසම කතාවක්...
ReplyDeleteඑල කිරි :)
Deleteඅදමද මංදා ඉස්සෙල්ලම මෙහේ ආවෙ. දැකල පුරුදු වචනයක් නිසා ආවෙ බලන්න. මමත් මීට කලිං මෙහෙම එකක් දැකල නෑ. හොඳ උත්සාහයක්.
ReplyDeleteමමත් ටාර්සන් පොත් සෙට් එකම ළඟ තියාගෙන සැරින් සැරේ කියවනව. මටත් ගොඩක්ම රසවත් ‘වානරයන්ගෙ ටාර්සන්‘, ටාර්සන් පළමු පොත. ඒක මම දැං විසිපස් වතාවකට වැඩිය කියවල තියෙනව පහුගිය අවුරුදු 10-12 ඇතුලත. කොච්චර කියෙව්වත් පළමු වරට කියවනව වගේ රස විඳින්න පුළුවන්.
හැමෝම වගේ ලියල තියෙන්නෙ ‘ටාසන්‘ කියල. කේ. ජී. කරුණාතිලක මහත්මය ඒ ගැන ‘වානරයන්ගෙ ටාර්සන්‘ පොතේ පෙරවදනෙ කියල තියෙන සටහන මෙතෙනට ඇඩ් කරන්නම්.
"Tarzan" යන ඉංග්‍රීසි වචනය සිංහලයෙන් ලිවීමේ දී ‘ටාසන්‘ යනුවෙන් නොලියා ‘ටාර්සන්‘ යනුවෙන් ලියුවේ මන්දැයි බොහෝ දෙනෙක් මගෙන් විමසූහ. "Tarzan" යන්න ඇත්ත වයෙන්ම ඉංග්‍රීසි වචනයක් නම් හල් රකාරය ඉංග්‍රීසියෙන් උච්චාරණය නොකරන හෙයින් සිංහයෙන් ලිවිය යුත්තේ ‘ටාසන්‘ යනුවෙන් බව සැබෑය. එහෙත් මෙම වචනය ඉංග්‍රීසි වචනයක් නොව “සුදු හමක් ඇත්තා“ යන තේරුම දෙන වානර වචනයක් බව පොතේම සඳහන් වෙයි. එබැවින් මෙහිදී හල් රකාරය උච්චාරණය විය යුතුම හෙයින් ‘ටාසන්‘ යනුවෙන් ලිවීමත් එසේ උච්චාරණය කිරීමත් වැරදි බවත් ලිවිය යුත්තේත් උච්චාරණය කළ යුත්තේත් ‘ටාර්සන්‘ යනුවෙන් හල් රකාරය ඇති ව ම බවත් පැවසිය යුතුය.
ඩිඩිටී අදම තමා මෙහෙ ආවේ. මුලින්ම සාදරයෙන් පිළිඅරගෙන ඉන්නම්කො.
Deleteඒ වගේම, වැදගත්ම කාරණාවක් මතක් කරලා දුන්නට ස්තුතියි. ඇත්තටම ඒක හරි. වානරයන්ගේ භාෂාවෙන් සුදු පාටට කියන්නේ "ටාර්" කියලනේ. "ටාර්මන්ගානි" කියන්නෙත් සුදු මිනිස්සුන්ට..එහෙම බලනකොට "ටාර්සන්" කියල තමා ලියන්න ඕන. මමත් මිට පස්සේ පුළුවන් තරම් ඒ වැරැද්ද හදා ගන්න බලනවා.
බොහොම සතුටුයි තවත් හොඳ ටාර්සන් රසිකයෙක් අඳුරගන්න ලැබුනට.
වානරයන්ගේ ටාර්සන් පොතේ එක දෝශයක් තියනවා. එඩ්ගර් රයිස් බාරොස්ට වැරදුන තැනක්.. ඒ තමයි ටාර්සන් ඉංග්‍රීසියෙන් තමන්ගෙ නම " TARZAN" කියලා ලිවීම.. අර දොරේ ගහලා යන දැන්වීමෙදි..
Deleteමොකද කියනවනම් ටාර්සන් ලියන්ඩ ඉගන ගන්නෙ පින්තූර පොත් බලලනෙ.. එහෙම කෙනෙකුට ශබ්ධ වෙන වචනයකට අකුරු කොහොමද වෙන්ඩ ඕනා කියලා හිතා ගන්ඩ බෑ නේද ? ඕකෙන් පොතේ රසයට කිසිම බාධාවක් නෑ..
හිහි...සෙන්නාටත් අහුවෙන්නේ මරු පොයින්ට් තමයි.. :) මම ඔය පොත මුලින්ම කියෙව්වේ 7 වසරේදී විතර. එතකොට ඔය ලියුම ලියන කෑල්ලේදි හිතුනේ ටාර්සන් මාර වැඩ කාරයෙක්නේ කියලා. :)
Deleteමටත් මුලින්ම කියවද්දි හිතුනෙ එහෙම තමයි.. ඒත් හත්වෙනි අටවෙනි පාරට කියවද්දි මට ඕක ගැන පොඩි අවුලක් ආවා.. එහෙම වෙන්ඩ බෑ නේද ?
Deleteඒක ඇත්ත. සුට්ටි අවුලක් තියනවා තමා. මට මේ කියනකන්ම ඕක ගැන හිතුනේ නෑ නේ.
Delete@ සෙන්නා,
Deleteඔබ සඳහන් කරන එක හරි. ඒ දැන්වීම විතරක් නෙවි සෙන්නා, ඊට කලින් හමුවෙන ‘දැනුමේ ආලෝකය‘ පරිච්ඡේදය සැලකිල්ලෙන් කියවන කොට ඒ වගේ තවත් ප්‍රශ්න ඇතිවෙනව. ශබ්දකෝෂවල ඒකවචනය මිසක් බහුවචනය දෙන සිරිතක් නෑනේ. ඔහු ඉගෙනගන්න හෝඩි පොතත් ළමයෙක්ගෙ රූපයකට යටින් BOY යනුවෙන් ඒකවචනය සඳහන් කරන ආකාරයක් තමා තිබෙන්නෙ. ඒත් ටාර්සන් නාමපදවල බහුවචනත් ඉගෙන ගන්නව. අනෙක ක්‍රියාපද, ක්‍රියා විශේෂණ පද, සර්වනාම පද, උපසර්ග හා නිපාත පද ආදියෙහි අර්ථය හා ඒවා යොදන ක්‍රමය ගැන කිසිම අදහසක් නොතිබුණු ටාර්සන් ඒවා භාවිත කරන්නත්, ජේන් පෝටර් තම මිතුරිය හේසල් ස්ට්‍රෝංට ලියන ලියුම පසුව කියවල අවබෝධ කරගන්නත් සමත් වෙනව. දැන් එතරම් මතක නැති වුණත් ඔය පොත් සෙට් එකම කියවද්දි මටත් පොඩි පොඩි ගැටළු ඇති වුණා. ඒව කතා රසයට බාධාවක් නැති නිසා මමත් එහෙමම අතහැරල දැම්ම. හුඟක් කතෘවරුන්ට ඔය වගේ වැරදි වෙනව. ෂර්ලොක් හෝම්ස් කතාවලත් ඔය විදියෙ කතෘගෙ අතපසුවීම් හුඟක් තියෙනව. ඒත් කතා රසයට ඒකෙන් වැඩි බාධාවක් වෙන්නෙ නෑ.
පාලි ටික තිබ්බේ නැත්නම් මට කිසි දෙයක් තේරුම ගන්න වෙන්නේ නැහැ. එත මම ටාසන් බලලත් තියෙනවා.
ReplyDeleteකවදාවත් නැතුව අද අන්තිමය වුනා මේ දවස වල වැඩ වැඩි. ගෙවල් පැත්තේ ගිහින් එන්න කාලේ හරි නේ. අනිත් අයගේ කමෙන්ට් කියවන්නත් වෙලාවක් නැති වුනා. උඩ මදු ගේ ,සෙනාගේ ප්‍රශ්නෙට උත්තරයක්‌ ලැබෙයි වගේ නේ.
කොහෙද.. ඔය හිකිස් ගාලා තියෙන්නෙ... :-)
Delete:ඩි
Deleteඅසාර් ට උත්තරේ -
ශා ලංකාව පැත්තේ යන්නද හදන්නේ. මරු මරු. සුබ ගමන්. ඒ ප්‍රශ්නෙට උත්තරේ දෙන්න ඕන ඉතින් එයාලම තමයි නේ? :)
කෝ හිස්ටා?? එතකොට ඕජස් පිරුණු ........ (ඌරා) කෝ....?( නම මතක නැහැ ඌරා ට කියන )
ReplyDeleteමචං ඌරට වානරයන්ගෙ භාෂාවෙන් කියන්නෙ ‘හෝර්තා‘ කියල.
Deleteඇපල් ට උත්තරේ ලැබිලා තියෙන්නේ :)
Deleteමාවනම් මඤ්ඤං වෙලා ගියා.මං කවදාවත් ටාර්සන් කියවලා නෑ නෙ.මේ පාර ගන්න ඕනෙ. දැන් හෙන ලිස්ට් එකක් වෙනවා මේ පාර ගන්න තියෙන පොත් සෙට් එක. :D
ReplyDeleteහප්පේ ටාර්සන් ගන්නවානම් පොත් 7 8 ක් ම තියනවා නිසූ. පළවෙනි එකෙන් පටන් ගන්නකො දැනට. "වානරයන්ගේ ටාර්සන්".
Deleteමාව නම් මාතෘකාව කියවද්දිම හොල්මන් වුණා... ශීටා නම් දිවියා වගේ මතකයි තමා... අපිත් ටාසන් බැලුවෝ....:)
ReplyDeleteඅනු ත් හොල්මන් උනාද :) හොඳයි හොඳයි ටාර්සන් රසිකයෝ ගොඩයි..
Deleteටාසන් වීවී එකේ බලලා අර ජූස් එක්ක වීසීඩී බලන කාලේ ඌ ගෙනාවා දවසක් වල් ටාසන්...හික් හික් .....
ReplyDeleteවල් ටාර්සන්? කවුද අප්පා ඒ? :ඩි
Delete@ ඔබ නොදු‍ටු ලොවක්,
Deleteඇත්ත තමා බං. ඒ පැත්තෙනුත් පට්ට ගහපු චරිතයක් ටාර්සන්.
ඒ කාලෙත් ඒක තිබ්බද ඈ...???
Deleteමේකනේ අක්කේ ලංකාවේ ෆිල්ම් එකක් හැදුවේ වැඩ බැරි ටාර්සන් කියලා ආං ඒක වෙන්නැති මේ... :P
යන්ට යන්ට...මාව ගොනාට අන්දන්න හදන්නේ නැතුව :පි
Deleteඉක්මනට සනීප වෙන්න...........
ReplyDeleteබට්ටිටද කිව්වේ කෝඩු ? :)
Deleteටාසන් මතකත් නෑ හරියට......අපිත් ඉස්සර ටාසන් වෙන්ඩ හදපු වෙලාවල් නම් ඔනි තරම් තියෙනවා
ReplyDeleteහැම කොල්ලටම වගේ ඔය ටාර්සන් ලෙඩේ තියනවනේ ඉතින් :)
Deleteටර්සන් නම් දැන් අමතකයි
ReplyDeleteලස්සනයි
ස්තුතියි කසුන්. සාදරයෙන් පිලිගන්නවා මේ පැත්තට...
Deleteමමත් චුට්ටි කාලෙ ටාසන්ගෙ වැඩේ කරන්න ගියා අපේ ගෙදර අලිගැට පේර ගහේ තිබුණු වයර් එකක එල්ලිලා. ඒ දවස් වල අපේ ගෙදර බෝඩ් වෙලා හිටිය මොරටුවෙ ආකි කරන අක්ක කෙනෙක් මනෝරි කියල. මෙයා මෙතනින් යන ගමං කියාගෙන ගියා වයර් එක කැඩුනොත් වැටෙයි පුතේ කියල. එයා ඒක කියල පඩිපෙල දිගේ උඩට ගියා විතරයි වයර් එකේ කම්බිය ගහේ තියෙද්දි මම රබර් පොත්තත් අරං වීසි වෙලා ගිහිල්ල පඩිපෙල ලඟට වැටුන. කකුල් දෙකම තුවාලයි, වෙලාවට ඔලුව වැදුනෙ නෑ පඩිපෙලේ. අම්ම ඇහුව මොකද වුනේ කියල, අම්ම බනියි කියල බයේ මම ඉක්මනට නැගිටල කිව්ව නෑ නිකං කියල.. :D :D අක්කගෙ කවි පන්තිය මරු ඈ.. හැබැයි මම නම් එච්චර ඕක බලල නෑ, ටිකක් දන්නව. පහල වචන සෙට් එකෙන් තමයි කියවගත්තෙ. කවිය අගය කිරීමක් වශයෙන් මෙන්න මගෙන් තරුවක්...
ReplyDelete[im]http://www.wpclipart.com/education/gold_stars/more_stars/gold_star.png[/im]
ජය ශ්‍රී හොඳේ..!!!
හපෝ...අර අක්කගේ කටේ ඩොලර් දාන්න නේ වටින්නේ. නියම අනාවැකි කීමේ හැකියාවක්. දැන් එයා මොනාද දන්නේ නෑ කරන්නේ ;) තරුවට තෑන්ක් යූ කිව්වා ඔන්න.
Delete