Almost Heaven...

West Virginia .......Blue ridge mountains.....

Shenandoah river.....

Life is old there....

Older than the trees.....

Younger than the mountains.....

blowin' like a breeze..

එක්තරා කාලෙකදි බොහොම ජනප්‍රිය වෙච්ච ගීතයක් නේ "ජෝන් ඩෙන්වර්" ගේ "Country roads" කියන සින්දුව. දැනට උනත් ඒකෙ අඩුවක් නෑ මම හිතන්නේ. මමනම් තවමත් ගොඩක් ප්‍රිය කරන ගීතයක් මේක.


Powered by mp3ye.eu

ඉස්සර මේක අහද්දී මට හිතුනෙම මේ කියන වෙස්ට් වර්ජිනියා වලට ගිහිං එන්න ඇත්නම් කියලා. ගිය අවුරුද්දේ දවසක ඔන්න ඒ ආසාව හැබෑ උනා.

ඇමරිකාව කිව්වම කාටත් මතක් වෙන අහස සූරන මැදුරු, පළල් පාරවල් වල  පණ කඩාගෙන දුවන වාහන, තද බද වෙච්ච නගර, වලින් සම්පූර්ණයෙන්ම තොර වෙච්ච පැත්තක් තමයි වෙස්ට් වර්ජිනියා ප්‍රාන්තය. වෙස්ට් වර්ජිනියාවේ වංගු ගැහිච්ච පටු තාර පාරවල් දිගේ යද්දී මට දැනුනේ කාලයෙන් අවුරුදු 100 ක් විතර ආපස්සට ගියා කියලා.

Country roads...Take me home...

To the place...I belong....

මේ පින්තුරේ මගේ උනාට උඩ පින්තුර ටික මගේ නෙමෙයි. (පේනවනේ කැමරා කොලිටියේ වෙනස :) මේකම තැඹිලි පාටින් බලාගන්න තිබුණා සරත් කාලෙදි ගියානම්.

උඩම එකේ තියන පාලම තමයි "New river Gorge bridge" කියන්නේ. ඒක හදන්න කලින් ඔය කඳු ගැට දෙක අතර මාරු වෙන්න පහළ නිම්නයෙන් තමයිලු යන්න උනේ. පාලම නිසා ගමනේ දුර පැයකින් කෙටි වෙලා. අපි ඔය පාලම උඩින් ගිහිං මදි වෙලා යටිනුත් ගියා. මේ තියෙන්නේ පින්තූර.

Dark and dusty...painted on the sky...

Misty taste of moonshine...teardrops in my eyes...

මේ ප්‍රදේශයේ නවාතැන් ගන්න කැමති අයට කැලෑ ඇතුලට වෙන්න හදපු කැබින්ස් (ලී වලින් හදපු ගෙවල්) තියනවා. තරමක් ලොකු කණ්ඩායමකටනම් ඒ ක්‍රමේ ගොඩක් ලාබයි වගේම පහසුයි. ඒ වගේම වෙස්ට් වර්ජිනියා ප්‍රදේශය කළු වලසුන්ට ඉතාමත් ප්‍රසිද්ධ ප්‍රදේශයක් නිසා රාත්‍රී කාලයේදී එලි පහළියේ ඇවිදින එකනම් ටිකක් අවදානම්. ඒත් අපිටනම් වලහෙක් දැකගන්න ලැබුනේ නැහැ. අපරාදේ කියලත් හිතුනා :)

පලා පාට ගස් වලින් වැහිච්ච කඳු පන්ති, නිම්න මැදින් පහත් උන වලාකුළු තට්ටු, ඊට පහළින් සර්පයෝ වගේ ගලන ගංගා වලින් පිරුණු මේ ප්‍රදේශය ඇත්තටම දෙව්ලොවක් වගේ කිව්වට වරදක් නෑ.
බාහිර ලෝකයෙන් වෙන් වෙලා ලස්සන නිස්කලංක පරිසරේක ටික දවසකට තනි වෙන්න කැමතිනම් මේක කියාපු තැනක්...

වැලි පතුල පේන තරමට දිළිසෙන පළිගු දිය ගලා යන, නොගැඹුරු ගංගාවක් අයිනේ ගලක් උඩ ඉඳගෙන දිය පාරට අහු වෙලා ගල් පොත්තෙන් පහළට වැටෙන තැඹිලි පාට මේපල් කොල දිහා බලාගෙන ඉන්න අකමැති කෙනෙක් ඉන්නවද?

Drivin' down the road I get a feelin'...that I should've been home yesterday...Yesterday....

                       ~~~~~~~~~~

ප. ලි.  පින්තූර කතාව අසා සිටි ඔබ සැමට ස්තුතියි. සින්දුව ඔටෝ ප්ලේ වෙන එක දවස් දෙක තුනකින් අයින් කරන්නම්. :) 

ඔන්න අපි වගේ මල්ලිගේ ඉල්ලීම ඉෂ්ට කරා...