එම්බා මැති සඳ

බන්දා ජය දද
පෙන්නා ඔද තෙද
නංවන සිහ නද
එම්බා පින් කඳ,

සිනහව පොදි බැඳ
මැන මැන දෙන සඳ
පතුරන ජය නද
මිසදිටු ජන කඳ,

අදරැති මැති සඳ
සිරි සර විඳ විඳ
මතු මහලට වැද
ජය පැන් බොන සඳ,

කරදර පොදි බැඳ
ඔහු වෙත යන සඳ
කරමින් ගොර නද
රිදවයි උන් හද

"ආධාරෙට විද
තොප හට මඳ මඳ
දුන්නා මදිවද
නොහදව් මට පද "

හිරු තරු සහ සඳ
අප හට නැති සඳ
මේ අපෙ මැති සඳ
මොනව කරන්නද?

"එම්බා පින් කඳ
අහිතක් නැත හද
අපි හෙට මෙන් අද
ඔබටම දෙමු හද"